ടെലിവിഷൻ ഷോകളിലൂടെയും, സീരിയലുകളിലൂടെയും,സിനിമകളിലൂടെയും ചുരുങ്ങിയ കാലം കൊണ്ട് മലയാളികളുടെ മനസ്സിൽ ഇടം നേടിയ കലാകാരിയാണ് ശ്രീവിദ്യ മുല്ലശ്ശേരി. സ്റ്റാർ മാജിക് എന്ന ടെലിവിഷൻ ഷോയിലൂടെയാണ് മലയാളികൾക്ക് ശ്രീവിദ്യയെ ഏറെ പരിചയം. ഇപ്പോഴിതാ സംവിധായകൻ രാഹുൽ രാമചന്ദ്രനും ആയി ശ്രീവിദ്യയുടെ വിവാഹനിശ്ചയം ഇക്കഴിഞ്ഞ ഞായറാഴ്ചയാണ് നടന്നത്.ഇപ്പോഴിതാ വിവാഹനിശ്ചയത്തിന് വീഡിയോ കോളിൽ എത്തിയ ഒരു വിഐപി ആശംസയാണ് ഏറെ ശ്രദ്ധ നേടുന്നത്.
മറ്റാരുമല്ല മലയാളികളുടെ എക്കാലത്തെയും പ്രിയപ്പെട്ട സൂപ്പർസ്റ്റാർ സുരേഷ് ഗോപിയാണ് ശ്രീവിദ്യയുടെ വിവാഹത്തിന് വീഡിയോ കോളിൽ ആശംസകൾ അറിയിച്ചിരിക്കുന്നത്.സുരേഷ് ഗോപിയുടെ കരിയറിലെ 251മത് ചിത്രം സംവിധാനം ചെയ്യുന്നത് ശ്രീവിദ്യയുടെ വരൻ രാഹുൽ രാമചന്ദ്രനാണ്. ഇരുവരും സുരേഷ് ഗോപിയെ വിവാഹ നിശ്ചയത്തിന് ക്ഷണിച്ചിരുന്നുവെങ്കിലും തിരക്കുകൾ കാരണം എത്താനായില്ല.മോതിരം മാറുന്നതിനു ശേഷം അപ്രതീക്ഷിതമായാണ് സുരേഷ് ഗോപിയുടെ വീഡിയോ കോൾ വന്നത്.
ഇരുവരും തങ്ങളുടെ കൈമാറിയ മോതിരം താരത്തെ കാണിക്കുകയും,സുഹൃത്തുക്കൾക്കും ബന്ധുക്കൾക്കും പരിചയപ്പെടുത്തി കൊടുക്കുകയും ചെയ്യുന്നത് വീഡിയോയിൽ കാണാം.ദമ്പതികൾ ആകാൻ പോകുന്ന ഇരുവർക്കും ആശംസകൾ സുരേഷ് ഗോപി നേരുകയും ചെയ്തു.ശ്രീവിദ്യ തന്നെയാണ് ഇൻസ്റ്റഗ്രാമിൽ ഈ വീഡിയോ പങ്കുവെച്ചിരിക്കുന്നത്.2019ൽ റിലീസിനെത്തിയ ജീംബൂബയാണ് രാഹുലിന്റെ ആദ്യ സംവിധാന ചിത്രം.നീണ്ട ആറു വർഷത്തെ പ്രണയത്തിനു ശേഷമാണ് രാഹുലും ശ്രീവിദ്യയും വിവാഹിതരാകാൻ പോകുന്നത്.
കൊച്ചിയിലെ ഒരു ഹോട്ടലിൽ വച്ച് കണ്ടുമുട്ടുകയും പിന്നീട് ഇരുവരും പ്രണയത്തിലാവുകയും ചെയ്യുകയായിരുന്നു.അടുത്ത ബന്ധുക്കൾക്കും സുഹൃത്തുക്കൾക്കുമൊക്കെ പ്രണയത്തിലാണെന്ന കാര്യം അറിയാമായിരുന്നെന്ന് ശ്രീവിദ്യ തന്റെ യുട്യൂബ് ചാനലിലൂടെ പറഞ്ഞിരുന്നു.അപ്രതീക്ഷിതമായി സുരേഷ് ഗോപി വീഡിയോ കോളിൽ വന്നപ്പോൾ ഇരുവരുടെയും സർപ്രൈസ് റിയാക്ഷൻ വീഡിയോയിൽ കാണാവുന്നതാണ്.സ്റ്റാർ മാജിക് മറ്റ് ടെലിവിഷൻ ഷോകളിലും സജീവമായ ശ്രീവിദ്യയുടെ റിലീസിന് ഒരുങ്ങുന്ന ചിത്രം ധ്യാൻ ശ്രീനിവാസൻ നായകനായ സത്യം മാത്രമേ ബോധിപ്പിക്കൂ ആണ്.
