വംശി പൈഡിപ്പള്ളിയുടെ സംവിധാനത്തിൽ തമിഴ് സൂപ്പർതാരം വിജയ് നായകനാകുന്ന ഏറ്റവും പുതിയ ചിത്രമാണ്’വാരിസ്’.പൊങ്കൽ റിലീസായി എത്തുന്ന ചിത്രത്തിന്റെ ഓരോ അപ്ഡേറ്റുകൾക്കും വൻ സ്വീകാര്യതയാണ് ആരാധകരിൽ നിന്ന് ലഭിക്കുന്നത്. ഇപ്പോഴിതാ ചിത്രത്തിൻറെ ട്രെയിലർ പുറത്തുവിട്ടിരിക്കുകയാണ് അണിയറപ്രവർത്തകർ.സംവിധായകൻ വംശി പെഡിപ്പിള്ളി,ഹരി,അഹിഷോർ സോളമൻ എന്നിവർ ചേർന്നാണ് ചിത്രത്തിൻറെ കഥ,തിരക്കഥ തയ്യാറാക്കിയിരിക്കുന്നത്.
കുടുംബത്തിൻറെ പശ്ചാത്തലത്തിൽ ഒരുങ്ങുന്ന ഒരു ഫാമിലി എന്റെർടൈനർ ആയിരിക്കും ചിത്രം എന്നാണ് ട്രെയിലർ നൽകുന്ന സൂചന.ശ്രീ വെങ്കിടേശ്വര ക്രിയേഷൻസിന്റെ ബാനറിൽ ഗിരീഷും ദിൽ രാജുവും ആണ് ചിത്രം നിർമ്മിക്കുന്നത്.എസ് തമന്റെ സംഗീത സംവിധാനത്തിലുള്ള ചിത്രത്തിലെ ‘രഞ്ജിതമേ’,’തീ ദളപതി’,’സോള് ഓഫ് വാരിസ്’,’ജിമിക്കി പൊണ്ണ്’,’വാ തലൈവാ’എന്നീ ഗാനങ്ങൾ പ്രേക്ഷകർ ഏറ്റെടുത്തിരുന്നു.രശ്മിക മന്ദാനയാണ് ചിത്രത്തിലെ നായിക.
തെലുങ്ക് സംവിധായകൻ വംശി പെഡിപ്പിള്ളി ആദ്യമായി തമിഴിൽ സംവിധാനം ചെയ്യുന്ന ചിത്രമാണ് വാരിസ്.ശരത് കുമാർ,പ്രകാശ് രാജ്,ശ്യാം,പ്രഭു, ജയസുധ,ശ്രീകാന്ത്,ഖുശ്ബു,സംഗീത കൃഷ്ണ എന്നിവരും ചിത്രത്തിൽ മറ്റു പ്രധാനവേഷങ്ങളിൽ എത്തുന്നുണ്ട്.2009 ൽ റിലീസ് ചെയ്ത വില്ല് എന്ന ചിത്രത്തിനു ശേഷം വിജയും പ്രകാശ് രാജും വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്.മഹേഷ് ബാബു നായകനായ ‘മഹര്ഷി’എന്ന ചിത്രത്തിലൂടെ മികച്ച ജനപ്രിയ ചിത്രത്തിനുള്ള 2019ലെ ദേശീയ അവാര്ഡ് നേടിയ സംവിധായകനാണ്’വാരിശ്’ഒരുക്കുന്ന വംശി പെഡപ്പിള്ളി.
കാർത്തിക് പളനി ഛായാഗ്രഹണം നിർവഹിക്കുന്ന ചിത്രത്തിൻറെ എഡിറ്റിംഗ് പ്രവീൺ കെ എൽ ആണ്.കൊറിയോഗ്രാഫർ ജാനി മാസ്റ്റർ,കോസ്റ്റ്യൂം ഡിസൈനർമാർ ദീപാലി നൂർ,അകംഗ്ഷീ ചോപ്ര, സഹസംവിധാനം രാംബാബു,പബ്ലിസിറ്റി ഡിസൈൻ ഗോപി പ്രസന്ന,സ്റ്റിൽസ്,ഡി മനേക്ഷ സുബ്രഹ്മണ്യം,പ്രൊഡക്ഷൻ ഡിസൈൻ സുനിൽ ബാബു,വൈഷ്ണവി റെഡ്ഡി,ആക്ഷൻ രാം ലക്ഷ്മൺ,പീറ്റർ ഹെയ്ൻ,ദിലീപ് സുബ്ബരായൻ,മേക്കപ്പ് പി നാഗരാജൻ,റിയാസ് കെ അഹമ്മദ് എന്നിവരാണ് ചിത്രത്തിന്റെ മറ്റു പ്രധാന അണിയറ പ്രവർത്തകർ.